Paris Time
காஜல் அகர்வால் தெலுங்கு படமொன்றில் மகேஷ்பாபு ஜோடியாக நடிக்க ஒப்பந்தமாகி இருந்தார். இந்த படத்துக்கான பாடல் காட்சி யொன்றை சமீபத்தில் பிரமாண்ட அரங்குகள் அமைத்து படமாக்கினர்.
1000 டான்சர்களுடன் மகேஷ் பாபுவும் காஜல்அகர்வாலும் ஆடுவது போன்று இப்பாடல் காட்சி எடுக்கப்பட்டது. படத்தில் தொடர்ந்து நடிப்பதற்காக காஜல் அகர்வாலிடம் மொத்தமாக 30 நாட்கள் கால்ஷீட் கேட்டனர். ஆனால் அவரால் கொடுக்க முடியவில்லை.
தமிழில் விஜய் ஜோடியாக துப்பாக்கி, சூர்யா ஜோடியாக மாற்றான் படங்களில் காஜல் அகர்வால் நடித்து முடித்துள்ளார். தற்போது ஆல் இன் ஆல் அழகு ராஜா போன்ற படங்களில் நடித்து வருகிறார். இங்கு பிசியாக இருப்பதால் தெலுங்கு படத்துக்கு 30 நாட்கள் அவரால் ஒதுக்க முடியவில்லை.
இதனால் காஜல் அகர்வாலை மாற்றி விட்டு வேறு நாயகியை தேர்வு செய்து படப்பிடிப்பை தொடர திட்டமிட்டு உள்ளனர். காஜல் அகர்வாலை வைத்து எடுத்து இருந்த பாடல் காட்சிக்கு தயாரிப்பாளர் ரூ.2 கோடி செலவிட்டு இருந்தார். அவரை தற்போது மாற்றுவதால் ரூ.2 கோடி நஷ்டத்தை சந்திக்கும் நிலைக்கு அவர் தள்ளப்பட்டு உள்ளார்.
