Paris Time
தமன்னா தெலுங்கில் பவன்கல்யான் ஜோடியாக 'கேமரா மேன் கங்கா தோ ராம்பாபு' என்ற படத்தில் நடித்துள்ளார். இதில் தமன்னா டி.வி. கேமராமேன் வேடத்திலும், பவன்கல்யான் டி.வி. நிருபர் கேரக்டரிலும் வருகின்றனர். பூரிஜெகன்னாத் இயக்கியுள்ளார். இதன் படப்பிடிப்பு முடிந்துள்ளது.
அக்டோபரில் படம் ரிலீஸ் ஆக உள்ளது. இந்த படத்தில் தமன்னா கவர்ச்சியாக நடித்துள்ளார். அவரது கவர்ச்சி படங்கள் இண்டர்நெட்டில் பரவி உள்ளன. இதற்கிடையில் 'கேமரா மேன் கங்கா' படத்துக்கு திடீர் சிக்கல் ஏற்பட்டுள்ளது. படத்தின் தயாரிப்பாளர் தனய்யா மீது இயக்குனர் பூரிஜெகன்னாத் தெலுங்கு இயக்குனர் சங்கத்தில் புகார் செய்துள்ளார்.
இந்த படத்தை இயக்கியதற்கான சம்பளத்தை தயாரிப்பாளர் தரமறுக்கிறார் என புகாரில் குறிப்பிட்டு உள்ளார். இதனால் படத்தை திட்டமிட்டபடி ரிலீஸ் செய்வதில் சிக்கல் ஏற்பட்டுள்ளது. இயக்குனர் சங்கம் புகார் குறித்து விசாரணை நடத்தி வருகிறது.
